إلى من لايؤمن بعلاقة المنتديات

][,, بسم الله الرحمن الرحيم ,,][


هذى القصه قمة في الروعهـ ولازم تقروها على رواااااااق ..

اذا شفت تفاعل حلو بنزل بارتات كثير لكن تاكدوا ان هالقصه بتثير جدل وانا اتمنى اننا نتناقش فيها بموضوعيه ونقاش راقي بعيد عن التجريح علشان نستفيد من بعض ..



والقصه للمبدع خالد عبدالرحمن << اسم الكاتب الحقيقي

والان اخليكم مع القصة


أهلاً بكُم

روايه أو قصّه لايَهمّ ..
المُهمّ انني كَتبتهَا بـ قلمِي ونسجتها بـ دَم قلبي

والأهمّ أنهَا ليسَت من وَحي الخيال
وليسَت كَـ غيرهَا منَ الرّوايات ؛
فـ قد عِشتها بـ نفسِي وعَاصرتُ أحدَاثهَا
وشاءَت الأقدار أن تربطني عِلاقةُ حُب بـ تلكَ الـ " سعاد "
وهَـ أنا أكتًبُها لكُم بـ قلمِي اليَوم
وقد اخترتُ مُنتدَى " ؟؟؟؟ " لِـ يَكونَ مَصدراً لها


بدَأت عِلاقتي معَ سُعاد من خلال أحَد المُنتدَيات
مُنتدَى حمِلَ عُضويّتي التي كانت في عام 2004م
أي قبل أربَع سَنوات منَ اليوم تقريباً . . .

سَـ أروي قصّتي التي حَدثت معِي
أنا خالد بن عَبدالرحمن " إنسان مزاجي " ..
وقد اخترتُ لهَا عنوان : خالد وسُعاد والحُب الاستثنائي

.


لازلتُ أتذكّر كيفَ كانت بدَاياتي في عَالم " المُنتديات "
وكَيفَ كنتُ " غبيّاً " حِينهَا عِندمَا شاهَدتُ " إسم المُستدخم "
توقّفتُ كَثيراً مَعَ نفسِي .. مَالإسم الذي سَـ أختارهُ لِـ استخدَامِي ؟
وبعدَ تفكيرٍ دامَ لأكثر مِن سَاعَه ! قرّرتُ أن أتصلَ بـ صَديقي البدويّ

أنا : هلا شليويح
شليويح : هلا خالد
أنا : دخلت مُنتدى وقالي سجّل اسم المُستخدَم
وانا بـ صرآحه ماني بعارف وش اختار
شليويح : وشو ذا اسم المستخدم ..!!
أنا : لاخلاص ولاشي شلونك انت بس عساك طيّب
شليويح : تبي اسم ؟
أنا : إيه ياليت
شليويح : واسمك وش فيه ماهوب عاجبك ؟
أنا : الا عاجبني ياشليويح , على بالك اسمك اللي مدري من وين جايبه

إنهَيت المُكالمه بيني وبين شليويح
دُونَ أن أستفِد منه رُغمَ عِلمِي بذلكَ مُسبقاً ^,^

بعدَ شدٍّ وجَذب بيني وبينَ عَقلي فكّرتُ بـ اختيار إسم مُستخدم
وقد لايَكون اسم مُستخدم فهُو إسمي الحَقيقي " خالد عبدالرحمن "
فـ تذكّرت أنهُ إسم فنان مَعرُوف ومَشهُور ولكن قلت في نفسِي
" وش ذنبي انه اسمي الحقيقي ؟ باختارَه واللي فيها فيها " !

كانت لديّ خلفيه لابَأس بهَا في عالم الإنترنت
إلا أنني أرى نفسِي " غبيّا " في المُنتدَيات
فـ هِيَ المَرّهـ الأولى التي أقوم بـ التسجيل في مُنتدى !

سَجّلت في المُنتدَى ولم أكُن أعلم بـ وُجود قسم لـ الترحيب بـ الأعضاء الجُدد
فـ توجّهتُ مُباشرهـ إلى قِسم الألعاب وبدأتُ في اللعب والعَدّ وإهداء الوَرد ^,^

ولأنني " على قد نياتي " فـ قد كُنتُ مُلازمَاً لـ عُضوهـ إسمها " صَمت الرّحيل "
بسَبب أنهَا كَتبَت إسمِي في لعبَة " إهدي الورد لمَن تحب " وأهدَتني وَردهـ !
ظناً مِني أنهَا مُعجَبةً بي ,,
في ذلكَ اليَوم وَاصلتُ عَلى الإنترنت 8 سَاعات مُتتاليَه
دُونَ مَلل أو كَلل طالمَا صَمت الرّحيل مَوجودهـ
وعَاهدتُ نفسِي أن تكُونَ " صَمت الرّحيل " هِيَ عِشقي ^,^

[ الجزء الأول ]

مرت الايام والايام وكان خالد دااائما ينتهز الفرص عشان يدخل الإنترنت
وأول مايدخل الإنترنت علطووول يتوجه للمنتدى ويدخل قسم الألعاب
ويابخته إن كانت صمّووته موجوده وياقرادته لو كانت أوف لايــــــن

مَرّ أسبوع كل يوم يدخل فيه يشوف صَمت الرحيل موجوده في قسم الالعاب
ويحاول بأي طريقه انه يلفت انتباهها ويجذبها في الألعاب اللي يشارك فيهم

لمح اسمها مشاركه في لعبة " إهدي قلبك للي تحب عند الرقم تسعه "
قال فررررصتك ياولد توصل للرقم تسعه وتكتب اسمها وتهديها قلبك
دخل على الموضوع وشافها هي اللي واصله للرقم تسعه
وكاااتبه : أهدي قلبي للي بعدي !
قال بخااطره بس اكيد البنت حبتني
خلني ارد عليها واقوووول يسلموووو ياقلبي انتي
وتوّه كاتب يسلموووووووووو صموته
الا يشوف واحد اسمه سكنيمي سابقه بالرد

المهم انه مسح الرد قبل تشوفه صموووته
وتاخذ عنه فكره انه غبي في المنتديات ولايعرف شي

دخل لعبة الاعترافات وكتب :
أعترف اني بديت احب
أعترف ان قلبي يعورني
أعترف ان بعض الناس موب حاسين فيني
أعترف اني اذا دخلت المنتدى وماشفتهم يضيق خلقي

انتظر خمس دقايق الا شاف رد لـ صموووته في نفس اللعبه
كاتبه : أعترف سلاااامة قلب خالد

عاد خالد ماصدق خبر
كان بيتهوّر ويكتب : أعترف اني احب صمت واموت فيها
بس قال في نفسه اثقل ياولد هذا موب اسلووووب
وكتب : الله يسلم قلبك ياصمت , وطلع من قسم الألعاب
وقال بخاطره انت وينك ووين الحب ياشيخ انسى البنت بس والله مافكرت فيك حتى

وتوّهـ بيقفل صفحة المنتدى الا وصلته رساله خاصه !





يتبع ..

من عيوني يألبي ...

خلاص اليوم رح أنزل البارت الثاني والثالث بعدين بخليكم تتشوقوا ..


يسلمووو عالمرور الروعهـ ...






بسموووومهـ

[ الجزء الثاني ]

حاول خالد انه يقرأ الرساله الخاصّه ولكن تفاجأ بتنبيه إداري مكتوب فيه :
" لايمكنك استعمال الرسائل الخاصّه قبل 150 مشاركه "
طالع مشاركاته واكتشف انها 90 مُشاركه !
انقهررر وقرر انه يوصّل مُشاركاته لـ 90 مشاركه بشرط انه يتحاشى تواجد صمت لين يقرا الرساله
وبالفعل راح للقسم العام وقسم الترحيب وبدأ يرد على المواضيع
وكانت كل ردوده " مشكور ويعطيك العافيه " مسوي لها نسخ ولصق عشان يخلص بسرعه !
لفت انتباهه مواضيع حلوه في القسم العام كانت بأقلام اصحابها
وكان ذاك المنتدى يمنع طرح المواضيع المنقوله في القسم العام

وفعلاً وصل لـ 150 مشاركه أخيــــــــــراً ..
وعلطوووول راح للرسايل الخاصّه وفتح الرساله
ولكن الرساله كانت من إدارة الموقع عباره عن دعايه لأحد المواضيع
تحطم خالد وقفل الإنترنت وراح انسدح على سريرهـ . . .
ورآح فكرهـ لـ بعيييد بعيد " معقول أنا حبيتها ؟ أنا خالد اللي ماعمري حبيت بنت !
معقول أحب بنت وعن طريق إنترنت بعد ! يعني ماشفتها ولاشافتني ولاسمعنا صوت بعض حتى !
والله ياخالد ماعندك سالفه انسَى البنت ! أصلاً أي حب اللي انت تتكلم عنه بين يوم وليله
عشانها اعطتك ورده ! والا عشانها قالتلك سلامة قلبك ياخالد ! هـــــــه والله انك تضحك على نفسك "
وانقلب على بطنه وحط راسه تحت المخدّه ونااااااااام

في نفس الوقت كانت صمت الرحيل في منزله " خاطره " في قسم الخواطر بالمنتدى
كانت الخاطره تتكلم عن أبوها المتوفي وكيف صارت حياتها صعبه من بعده ..

صحَى خالد من النوم وعلطول دخل المنتدى وتوجّه لـ قسم الألعاب وماكانت صمت موجوده
لكنه شاف اثنين من الأعضاء جالسين يسولفون في الشات عن خاطرة صمت الرحيل
حاول انه يعرف مكان الخاطره من كلامهم ورجع صفحه صفحتين ليييين عرف انه بقسم الخواطر
راح لقسم الخواطر وشاف موضوع بـ عنوان " يبه .. وش الحياه من بعدك "
قرأ الموضوع من بدايته إلى نهايته أول مره يحس بحلاوة المواضيع
مايدري ليه اعجبه الموضوع مع انه كان ألم لـ صمت الرحيل !
المهم انه اعجبه الموضوع وقرر يزور القسم من فتره لفتره حتى يشوف خواطر صمت
قبل يطلع من قسم الخواطر خطر على باله يكتب ردّ على موضوعها وكتب هالرد :
" عَزيزتي صمت حاولت أن أستوعب خاطرتكِ ولكني لم أستطع فـ الألمُ أكبر من يُترجمَهُ عَقلي الصغير ,
حَتى قلبي عجز عَن التعبير بـ هدوووء ودون أن يتحدث ! الفقدان مُرٌ بـ طبيعته فـ كيفَ لو فقدنا أغلى البَشر ؟
لن أطيلَ عَليكِ ولكن مايجب عليكِ معرفته أن هُناكَ أناسٌ في هَذهِ الحياه وَهبنا اللهُ إياهم تعويضاً لما نفقده في هذهِ الدنيا .. تقبلي مروري خالد "


مايدري ليش خالد كتب هالرد ولايدري وش شعوره تجاه صمت الرحيل بـ الشكل الصحيح
هل هي مشاعر حب ؟ والا مجرد مشاعر اعجاب لااقل ولاأكثر !
يمكن لانها اول بنت قابلها في المنتدى ؟ << فعلاً فعلاً هذا هو الأرجح

رجع خالد لقسم الألعاب وحاول انه يلعب في المواضيع حاله حال باقي الأعضاء
بعيد عن صمت وطاري صمت .. بعد مااكتشف ان مشاعره مجرد اعجاب لاهي حب ولاشي
وبالفعل دخل قسم الألعاب يرد على هذا العضو وهذي العضوه ويضحك معاهم
ويحاول قد مايقدر انه ماينتظر دخلة صمت عشان ينساها ولايتعب نفسه بالتفكير فيها واجد
مرّ الوقت وراحت ساعه ساعتين وهو جالس يضحك ويلعب في قسم الألعاب لييين تعب وقرر يطلع من النت


يتبع .. في وقتٍ لاحق

[ الجزء الثالث ]


في هالجزء راح تتعرفون على شخصية خالد أكثر وأكثر ان شالله


كان خالد داخل على القسم العام في المنتدى
بعد ماتصفح عدد من المواضيع فيه وأعجبته
ماكان يتصور ان القسم العام يكون بهالجَمال
كان قسم متحرّك بكل ماتعنيه الكلمه من معنى
مواضيع حلوه وأفكار جديدهـ ومنافسات بين الأعضاء

تحمّس خالد أكثر وأكثر مع المنتدى وصار في كل موضوع له بَصمه
مايمرّ موضوع عليه الا ولازم له رد فيه وكانت ردودهـ مُميّزهـ

" خالد كان طالب في أول جامعه يحب القراءَهـ وله اسلوبه المُميّز في الكِتابه
نقدر نقول عليه فضولي وجريء اشوي .. حبّوب ويمتلك كاريزما تميّزه عن غيره من الناس "

حاول بقدّ مايقدر إنه يعكس حياته الحقيقيه وشخصيّته الطبيعيه على عالم الإنترنت ..
ولأنه يحب الأغاني بـ جنووون كانت بداية المواضيع اللي غيرت من حياته في عالم الإنترنت
لما فتح موضوع جديد في قسم الأغاني وحط فيه أغنيه بـ صوته .. كانت أغنية (يابعد هالدنيا ليه)
كان خالد يغنيها بـ إحساس جداً راقي .. وكان متأكد وواثق ان الاغنيه راح تعجب الأعضاء في المنتدى
لأن له تجارب كثيره في مواقع الإنترنت (غير المنتديات) كان ينزل فيها صوته ويلاقي إعجاب كبير ممن حوله
ومثل ماتوقع خالد لما نزل الاغنيه جاته ردود فعل شجّعته أكثر وأكثر على التواصل مع الأعضاء في المنتدى

كانت أجمل الردود اللي وصلته على موضوع الأغنيه من عُضوهـ اسمها شوق الدلع كتبت له:
" خالد ماشاءالله عليك صوت رائع واحساس راقي أجبرتني أحمّل الأغنيه على جوالي واحطها
نغمه فيه , ولكن ممكن أطلب منك طلب ؟ ياليت تغني أغنية (ولاتزعل ولاتتعب شعورك ولاتاخذ على خاطرك مني) "
بالطلب هذا حسّ خالد ان فيه ناس تتابع جديدهـ فعلاً

صار خالد حديث الأعضاء في المنتدى والماسنجر وكثيييير توصله رسايل خاصّه من الاعضاء والعضوات
وكثييييير يكتبون عنه في مواضيعهم
ماكان خالد يتصوّر انه بيوم من الايام راح يوصل به الامر انه يكون من أهم اعضاء هذا المنتدى
إذا غاب عن المنتدى أو القسم العام بشكل خاص الكلّ يفتقده والكلّ يسأل عنه
حتى وصل الحال بالأعضاء انهم يعتبرون برود القسم غياب خالد ونشاطه تواجد خالد ..!!

وهذا الشي زاد خالد غرور في نفسه !
.
.

القسم العام في ذاك المنتدى كان يرفض المواضيع الشاتيه
وخالد كان جنوووونه المواضيع الشاتيه ..
حتى ان مواضيعه كانت توصل الردود فيها إلى 100 و200
وثلاث أرباعها سوالف أعضاء .. إلى أن يتقفل الموضوع من قبل المشرفين

تعوّد خالد على تقفيل مواضيعه وتعوّدوا الأعضاء على الشي هذا
وكان كل موضوع يتقفل على خالد يسبب ضيق للأعضاء أكثر منه على خالد
لانهم كانوا يستمتعون بمواضيعه والسوالف اللي تصير فيها
وكل هذا زاد من حب الأعضاء لـ خالد وزاد من كرهـ الإدارهـ له !

حصل خالد على عدد من الأوسمه والألوان والتمييز والإشراف وكان دائماً يرفضها
لان عندهـ قناعه ان قلمَه وتواجده وحب الأعضاء أكبر من أي تكريم يحصل عليه

/

في يوم من الأيام كان خالد في القسم العام وكَـ عادته كان يدور على موضوع يسولف فيه
ومالقى غير موضوع (وقع ولو بكلمه) حاول بقد مايقدر انه يحوّل هالموضوع إلى شات !
وفعلاً نجح في تحويله إلى شات لأنه كان يسولف مع كل من يدخل هالموضوع

كان من بين الأعضاء اللي يسولف معاهم خالد بنت كويتيه اسمها سيريلوكهـ
وعضوتين من الشرقيه اسمهم حلم طفله و بوسي كات
اممممممم وكان يتواجد عضو خفيف دم اسمه عاشق الأماكن

كان آخر شي يتوقعه ان تكون صمت الرحيل من ضمن الأعضاء اللي يتواجدون في وقع ولو بكلمه !
دخلت صمت الحيل وكتبت بيت شعر وسلّمت على الموجودين ..
ردّوا عليها السلام بـ شكل عادي الا خالد اللي قال : هلا وغلا صمووووته وعليكم السلام تو مانور الموضوع
ردت عليه صمت الرحيل وتجاهلت كل اللي كانوا في الموضوع
واستغرب من كلامها لما قالت له : خالد من زمان عن أغانيك شدعوى صرت تتغلى علينا !

راح تفكير خالد بعييييد
معقوله كانت من اللي يتابعون مواضيعي الي انزل فيهم الأغاني ولكن ماترد عليها ؟

حاول انه يطرد هالتفكير الغبي اللي دايماً يجيه وقال بخاطره:
طيب حتى لو ماردت على المواضيع ماهي بأول ولاآخر وحده تسمع الاغنيه وتطلع بدون ماترد



تأخر خالد على صمت الرحيل وكتب لها هالرد:
ههههههه لاشدعوى صموته مانتغلى على الغالين ^,^
بين اغني لك ماعندي مانع بس مافيه شي بلاش

ردت عليه صمت:
اوووه صرت تغني بفلوس بعد
طيب آمر يلا قول وش تبي

خالد: أبي توقيع سمعت انك خطيره بتصميم التواقيع
صمت: بس ؟ ماطلبت شي الحين اصمم لك احلى توقيع
خالد: تسلمين كلك ذوووق يــــــــلا سي يووو

.
.

طلع خالد من المنتدى وقفل الإنترنت
ينتظر التصميم اللي بتسويه له صمت




يَتبع .. بكرهـ إن شاء الله

[ الجزء الرابع ]

صحَى خالد من النوم ظهر اليوم الثاني
وقبل مايصلي الصلوات اللي فاتته غسل وجهه وعلطول جلس على النت
فتح المنتدى وطلعت في وجهه " رساله خاصه جديده المُرسل: صَمت الرحيل , العنوان: صباااح الغلا "
ضغط موافق وطلعت له صفحة الرساله:
" هلا هلا خلوووود صباح/ مساء الخير . .سويت لك توقيعومافيه شي بلاش مثل ماتقول ههههه
بس أبي أطلب منك طلب إذا مايضايقك ! بـ صرآحه انا سويت التوقيع ولكن كتبت عليه اسم غير اس المستخدم تبعك
وانا جايه ابيك تغير اسمك في المنتدى لانه بصراحه تليق عليك الأسماء الرنانه أكثر من هالاسم
شووو قلت ؟ أنتظر ردك .. صمت الرحيل / سُعاد "

قرأ الرساله مره ومرتين وثلاث وأربع وماأعجبه شي ولااستغرب من شي الا اسم البنت !اووووول مره يعرف اسمها وأووول مره تكتب اسمها في المنتدى
جلس يفكر ويفكر .. ليش تبيني اغير اسمي المستخدم ؟!
وشنهو اصلا الاسم اللي تبيي احطه بدل خالد عبدالرحمن
بلاها ماتدري اني جلست ساعه ادور على اسم يوم جيت اسجل
ولما عجزت ومالقيت اتصلت بصديق ولافاد هههههههه

ضغط على أيقونة " اقتباس النص " وكتب لها هالرساله :
" هلا هلا والله وغلا صباح النور صموته شخبارك ان شالله بخيربصراحه استغربت في رسالتك من شيين أول شي انك تبيني اغير اسمي
والشي الثاني انك كاتبتلي اسمك وانا بصراحه اول مره اعرف اسمك
مع اني أكره هالاسم لانه اسم عجايز هههههه بس صاير حلوو على أهله ^,^
أنتظر ردك .. خالد عبدالرحمن / خالد << يبي يسوي زيّك خخخخخ "

ضغط على " إرسال " وعلطوول راح للقسم العام يدردش في موضووع وقع ولو بكلمه
أول مادخل شاف اخر الردود كانت لـ صمت الرحيل اللي راحت تقرأ رسالته ..



ردت عليه صمت وكتبت له:
"هههههههههههه
خالد والله مافيه شي معين بس بصراحه خطر على بالي اسم حلووو يناسبك أكثر
وحبيت انه يكون لك , أبي اسمك يكون (نسيناكم) .. شرايك ؟
وبالنسبه لاسمي فداك يالغالي بس لاتعلم أحد بس انت تعرفه :-) "

رد عليها خالد وقالها:
" عاد تبين الصراحه .. أنا من زمان كان ودي اغير اسمياممممم والحمدلله انك عطيتني اسم حلوو وان شالله يليق علي
خلاص الحين اروح اطلب تغييره بس بيكون تحت التجربه
يعني اذا ماعجبني بشوف لي اسم ثاني هع

عاد تصدقين انا فرحت على بالي تغارين علي
وتبيني اغير اسمي ههههههه

ياسُعاد ^ ,^"


وصلت الرساله لـ سعاد ولما قرتها ابتسمَت وفرحت
ولما انتبهت لابتسامتها استحت من نفسها وكتمت فرحتها
وقال فخاطرها: قليل الادب هالخويلد ليش يقول تغارين علي
الحين هو بيني وبينه شي عشان اغار عليه ؟
اوووف منهم ذا الشباب مايستحون على وجهم والشرهه على اللي تعطيهم وجه

ولا طاب خاطرها الا لما كتبت له رساله جديده:
"والله انك قليل أدب شنو يعني اغار عليك
كل شي وله حدود ياخالد .. وانا كل اللي بيني وبينك أخوّه لااقل ولااكثر "


قرأ خالد الرساله وانصدَم من كلامها وحس انه فعلاً أخطأ
وهذا عيبه هو دائماً يحس ان اللي حوله قريبين منه ويمونون عليه
وصار يفكر الحين وش يرسل لها: يقول انا اسف ويعتذر منها ؟
والا يطنش رسالتها ولا كأن شي صار ومصيرهم بيتقابلون في موضوع ويطيح الحطب
امممممممممممم قطع تفكيره صوت الكيبورد وهو يكتب عليه:
" صموته الله يهداك شفيك عصبتي انا ماقلت انه بيننا شي
بعدين ترى حتى الاخو يغار على أخته والصديق يغار على صديقته والحبيب يغار على حبيبته
حتى الحيوانات يالحيوانه يغارون على بعض خخخخخ
بعدين وين توقيعي ياللي ماتستحين ؟
ترىطلبت تغيير اليوزر وانتي الى الحين ماارسلتي هالتوقيع
ترى بسوي نفسي ثقل وبزعل منك وبقول مابيه ههههه
وصلت الرساله لصمت ولما قرتهاى قامت من مكانها وضمت يدينها على صدرهاااا
اووووف منه ذا الخالد يازييييييييييييييييينه ياناس
وارسلت له رساله سريعه بدون ماتفكّر بالمضمون:
" روووح ياشيخ الله يسعدك ويابخت مين تغاااااااار عليك "

.
.كان خالد جالس على الكرسي ممدد رجوله على الطاوله وفي حضنه اللاب توب
يعيد ويزيد في رسايل صمووته اللي صارت بينهم اليوم
يقرا صندوق الوارد والصادر ويعيد مره , ثانيه وثالثه
وكل اشوي يقرا رسايلها وكأنه اول مره يقراها
ويجول بخاطره هالكلام:
" كثييير بنات لي علاقه معهم بالمنتدى وأكثر منهم اللي معاي بالماسنجر
بس ليش مشاعري واحاسيسي تجاه صمت الرحيل غير ؟
ليش لما اسولف معاها أنسى نفسي ويتغير حالي .. لالا مافيني شي بس أكيد يتهيّأ لياووووووف مني ياكثر ماأكابر ! حتى بيني وبين نفسي ماني بقادر اعترف !
معقول يعني انا احبها ؟ لا لا شنو احبها يمكن ارتاح لها بس ويعجبني وجودها
أصير غـــــــــــبي لو أحب بنت ماشفتها ولاشافتني وكل اللي بيننا رسايل وكلام عادي ..!!ايييه صح انا ارتاح لها لاأنسى اني تعوّدت على وجودها بالمنتدى
والحين مرّت شهووور وشهوووور واحنا في منتدى واحد "



اووووووووووف .....
الله ياخذ الشيطان أذن العصر وانا ماصليت صَلاة الظهر ..!!

.


.
:ومن الجهه الثانيه /قفـّــلت المنتدى وطلعَت من الانترنت وهي حاسه باحساس غريب وحلووو
بس ليش ماتدري ! يمكن عشانه قالها اغار عليك ههههههه
هي عارفه انه يعجبها خالد ويعجبها اسلوبه وعلاقته مع الاعضاء
لكن ماهي من البنات اللي يسولفون مع الشباب بكثرهـ
ولاعمرها صار بينها وبين احد من الشباب علاقه ابداً أبداً
لكن كل اللي تعرفه ان خالد رسَم في خيالها صوره مختلفه عن الشباب ومختلفه بشكل كبير

__________________


يتبع .. بكرهـ إن شاء اللهـ ..